En neoficiala vizito al Dokumenta Esperanto-Centro la 13-an kaj 14-an de julio 2022 estis Vladimir Dujnić el Hrvatska Kostajnica, unu el la vicprezidantoj de Kroata Esperanto-Ligo el Zagrebo. En la dumvizitaj interparoloj Vladimir Dujnić informiĝis pri la labormaniero de Dokumenta Esperanto-Centro kaj pri diversaj realigataj projektoj. Oni interparolis ankaŭ pri partopreno de Dokumenta Esperanto-Centro en la esploroj pri Antonija Jozičić, instruistino kiu estis pioniro de Esperanto en Hrvatska Kostajnica kaj pri porokazaj programoj dediĉotaj al ŝia laboro kaj organizotaj dum la kuranta jaro.