Monato: Julio 2022

La prezidanto de Dokumenta Esperanto-Centro estas samtempe gimnazia profesoro kaj la ĉefa redaktoro de la gimnazia gazeto „Zamisli!” (Imagu!). Temas pri gazeto por literaturo kaj kulturo de nunaj kaj eksaj lernantoj kaj instruistoj de la Gimnazio d-ro Ivan Kranjčev en Đurđevac, kiu aperas unufoje dum ĉiu lerneja jaro. En la numero 2, aperinta en 2022, eĉ ses paĝoj estas dediĉitaj al Esperanto. Sub la titolo „Tradukoj el la internacia lingvo Esperanto” aperis mallonga enkonduko kaj tri rakontoj de la bulgara Esperanto-verkisto Julian Modest. La rakontojn el Esperanto tradukis Zdravko Seleš. „Du biletoj por teatro” kaj „Rapida negoco” estas publikigitaj en la norma kroata lingvo, dum la rakonto „Rapida negoco” aperis ankaŭ kiel unu el malmultaj tradukoj el Esperanto en la kajkavan dialekton de Đurđevac. Menciindas, ke inter la redakcianoj troviĝas ankoraŭ unu esperantistino kaj membro de DEC − Mihaela Cik, literatur-historiisto kaj komparisto. La dua numero de la gazeto elŝuteblas ĉe: http://gimnazija-ikranjceva-djurdjevac.skole.hr/upload/gimnazija-ikranjceva-djurdjevac/images/static3/1196/File/zamisli_2022.pdf